《造星4》今日舉行即場面試，兩位導師許廷鏗、梁祖堯及花姐出席。除咗素人之外，更吸引一眾網絡紅人參加。花姐指今年報名人數破晒紀錄，收到近四千份報名表：「無可能睇晒四千個，所以經過篩選，有啲人連form都唔識填，有啲個樣好似我咁，冇觀眾緣，無謂嘥大家時間。」
今日到場面試嘅有「試當真」嘅阿慈、Jackie劉展翹、193細妹Michelle郭嘉盈、利君牙，仲有近日上TVB節目嘅「火雞姐」丁可欣、歐陽巧瑩細妹歐陽巧霖、同MIRROR Tiger傳緋聞嘅余潔瀅，連Dee哥女友文芊澄都到場參加！
193細妹接受訪問，佢話佢同193性格好似，講嘢好直接。佢畢業後做文員，生活平淡，見到193可以做自己鍾意嘅行業，於是決定參賽。至於阿慈就話會盡力做好自己，希望大家睇到佢喺試當真以外嘅面貌。
Search